.jpg)
Assam leh Mizoram ramri a Duty, Hav. Bimol Kanti Chakma in a thawhpui a kahhlum tak Hav. J.Lalrohlua ruang chu vawiin khan Lawngtlai ah phurh thlen ani.
Hav. J.Lalrohlua ruang hi Helicopter a phurh niin, vawiin chawhnu dar 2:30 velah khan Lawngtlai thlenpui a ni a. Helipad ah a thawhpui Lawngtlai Police thahnem tak leh Central YLA hruaitu te Lawngtlai Chandmary Veng leh Pu J.Rohlua chhung leh khat mi thahnem takin an lo hmuak a, Pu J.Lalrohlua ruang hi zanin tlaivarpui ani ang a, naktuk khian Lawngtlai Chandmary thlanmualah vuiliam a ni ang.
Pathianni March Ni 5 zan dar 6:40 velah khan Assam leh Mizoram ramri Buarchep a Duty, 2nd Batallion MAP a Havilder Bimol Kanti Chakma chuan a thawhpuite pahnih Havilder J.Lalrohlua, Lawngtlai leh Havilder Indra Kumar Rai, Lunglei te chu a silai kawllai in a kap a, Pu J.Lalrohlua hi ka pawh chhawn lohin a hmunah hian a thi nghal a, Indra Kumar Rai chu Vairengte Damdawiin thlenpui anih hnu lawkah a hliam tuar lohin a thi veleh a, a thawhpuite rawng taka kaphlumtu Bimol Kanti Chakma hi man nghal niin, Aizawl panpui nghal a ni
He vanduaina thleng avang hian vawiin khan Lai Students Association, Gen.Hqrs Lawngtlai chuan thuchhuah siamin, pawikhawihna an dem thu leh pawikhawihtu chu a phutawk hremna hmungei se an duh thu tarlangin, thu leh awm hma chu Lawngtlai khawpui chhungah Chakma te pawn chhuah an khap a, vawiin atang khan Lawngtlai College venga Chakma House chu khar ani.
Deputy Speaker Pu H.Biakzaua leh Lawngtlai DC, Pu David Lalthantluanga te chuan lusun chhungte an tawrhpui thu sawiin ruang chungah Pangpar an dah.