.jpg)
Tunhnai ah District Hospital, Lawngtlaia Doctor pahnih chu an mahni thlaktutur dah lovin sawnchhuah an ni a, hetianga Doctor sawnchhuah a ni leh ngawt thin hi thuneitu lam hian an enfiah ran a tul khawp mai.
Hman deuh khan Doctor sawn vangin Central YLA a chetchhuah ngai khawpin thil kalpui a lo ni tawh a, reilote chhungin Doctor sawnna order kha tihdanglam theih a ni a, tawngpawng nawrna lam nilovin, District mipui mamawhna atanga thlir chunga nguntaka Central YLA in a ngaihtuah hnu a, hmalakna a kalpui kha Sorkar thuneitute pawn thil tihawmtak ah an ngai tih a chiang a, Doctor sawnchhuah an nih dawn hian, mipui lam dinhmun hi thlirtel a ni ngailo emaw ni aw, tihtheih in tunah pawh Ultrasound khawih thei District in a neih chhun sawnchhuah a ni a, Dental Surgeon awmchhun sawn a ni bawk a, eng ngaihtuahna nge thuneitu lam hian an hman tih hriatthiam a har ru khawp mai.
Sawitam ngailovin Lawngtlai District hi Hriselna lama pachhia, enbik ngai a ni tih hi a hrechiangtu chu Sorkar a ni a, heti chunga a thlaktutur dah silova Doctor sawnchhuahna Order tihchhuah ngawt hi chu a fuh lovin, dodalna thlengtur chiangsa ah mipui tih mangan kher hi Sorkar tihtur niin a lang lova, hetiang huna Central YLA a chechhuak thuai thin hi a lawmawm a, Sorkar pawhin District mipui dinhmun thlir chiang chungin ruahmanna a neih hi a herdanglam ngei tur ah i ngai ang u.