Vawiin khan Young Lai Association Lawngtlai Vengpui Branch ten an veng tana an lei Ambulance khuhhawnna leh Pathian hnena hlanna hun an hmang.
Ambulance khuhhawnna hi Central YLA Treasurer Pu R. Lalrampana'n neiin Lairam Isua Krista Baptist Kohhran Lawngtlai Vengpui bialtu, Pastor Rev. F. Lalringliana'n Pathian hnena Ambulance hlanna hun a hmang a, Bialtu MDC leh LADC Chairman ni bawk Pu VL. Hmuaka pawhin telpuiin miangang leh tanpui ngaite tana YLA hnathawh chu chhuanawm a tih thu a sawi.
Branch YLA Secretary Pu H. Lalsawmkima'n Ambulance lei dan report a pe a, Central YLA Treasurer Pu R. Lalrampana, Branch YLA Vice President T. Lalrampuia leh Village Council hruaitute'n thu an sawi bawk.
YLA Lawngtlai Vengpui Branch ten Ambulance atan an lei hi Eeco Van (5 Str Ac) niin a leina atan hian ₹.7,50,000 vêl an seng a ni.
Tags
News