Rural Development Minister Pu Lalruatkima'n Parva-III-a tlawh.

Vawiin khan Rural Development Minister Pu Lalruatkima chuan Bangladesh aṭanga sahimna zawnga Mizorama rawn tlan lutte awmna, Lawngtlai District chhung Parva-III-a refugee camp chu tlawhin, an dinhmun a enfiah bakah, anmahni chhawmdawlna tur an mamawh chi hrang hrang a hlan.

Minister Pu Lalruatkima hi Law & Judicial Minister Pu TJ Lalnuntluanga, Industrial Development Board Vice Chairman Pu K. Laldawngliana, MLA  leh MNF General Headquarters a Vice President, Pu Vanlalzawma, Ex-MLA/MP te bakah, sawrkar official-te'n an ṭawiawm a. Minister hian  Parva-III-a refugee camp-ah hian Buhfai bakah chawhmeh lam chi thahnem tak a hlan bak ah tuilakna pipe leh Silpouline, Mutbu leh Damdawi thahnem tak a hlan. 

Minister chuan refugee camp-a awmte dinhmun enfiahin, an mamawh a hnena an lo thlente chu a theih ang anga sorkarin a lo ngaihtuahtur thu a hrilh a, .Minister hian Parva-III a Remna Kawtchhuah lungphun leh MNF Diamond Jubilee lungphun a tlawh bawk.

 Parva-III Community Hall-a vantlang inkhawm ah Pu Lalruatkima chuan  Bangladesh aṭanga Zohnahthlak,   raltlante lo chhawmdawl turin Mizoram Sawrkar chuan theih tawp chhuahin hma a la zel dawn a ni a ti a, Raltlante dawnsawnna ah khawtlag hruaitute, Tlawmngaipawl hruaitute leh mipui inpekna chu chhuanawm a tih thu a sawi.