Central YLA, DRS thuchhuah

 CYLA DRS IN ZU MAN. MAH SE, ZU NEITU ȚANPUINA PE LET ZAWK!

Dated Lawngtlai 10. Jan 2023( Tuesday)

CYLA DRS chuan kan report dawn bawhzuiin vawiinah khawthlang T Dumzau ațanga Zu (Chakma Zu) rawn phurh luh chu lo chan niin,  man sak a ni. 

Zu rawn phur luttu hi Khisorai 38 H/o Hustoni T. Dumzau Lawngtlai District a ni. Zu a rawn phurh luh chhan hi an chhungkua harsat luat avanga tih ngaihna hre lo, in hlawhna mumal a hmuh mai loh avanga rawn keng lut a nih thu a sawi. 

Pu. Khisorai thusawi hi thudik a nih leh nih loh finfiahin, T Dumzau YLA hruaitu te biak pawh an ni a, T Dumzau YLA hruaitu te sawi dan chuan, "Pu, Khisorai hi tun hma chuan, Sabualtlang lama a khawsak thu leh tun hnaia an khuaa pem lut an nih thu an sawi. Pu. Khusorai te nupa hian fa pali neiin tunah hian an fate ber hi thla 5 mi a ni. An chhungkua hi eizawnna mumal an neih loh avangin an harsat lai tak a nih thu leh, an fate ber pawhin chaw țha a hmu loh thu a rawn sawi" a ni.

Hetianga Pu. Khusorai te chhungkua dinhmun a nih takah chuan, CYLA DRS te chuan Pu. Khusorai hi a Zu kan man sak chu tihchhiat sak niin, an chhungkua țanpui nan Buhfai Bag 1, Tel Pack, Dal, Sahbawn, Nestrogen, Inbualna Sahbawn, Chini, Thingpui fe, etc te chu an chhungkua tan pek niin, tun hnuah Ruihhlo leh a kaihhnawiha in hnamhnawih tawh lo tura tih a ni.

Sd/-

Information Secretary