Kumin hi United Nations Organization chuan Internation Year of Millet atan a puang a, Loneitute Inzirna School ti a hriat, Krishi Vigyan Kendra, KVK Lawngtlai chuan, Chawnhu a an hmunpuiah nikum khan Buhtun hi hlawhtling takin an lo ching chhin tawh.
KVK Lawngtlaia Senior Scientist & Head Dr.C.Lalfakawma chuan Buhtun an chin chhin chu Foxtail Millet a nih thu a sawi a, PRK-1 Variety niin, a chi chu Tripura atanga an lak a nih thu sawiin, Buhtun an chin chhinna chu Tuifinriat atanga tehin Feet 3300 a sang niin, hetah hian hlawhtling taka an tharchhuah thu te, loneitute tan Lawngtlai District ah Buhtun chu hlawktak a tharchhuah theih a ni tih an chinchhinna atanga a lanfiah thu a sawi.
India chuan khawvel pumah uar zawka Buhtun chin a nihtheih nan UNO ah rawtna thlenin, ram 72 ten India rawtna chu thlawpin United Nations Organization chuan kumin 2023 hi Buhtun chin uar kum leh Buhtun chingtura inzirtira hmalak uarkum Internation Year of Millet ah a puang a,..
India chu khawvel pum ah Buhtun tharchhuak hnem ber ram niin, Buhtun tharchhuah 38% chu India ram a chin a ni.