Boruak nuamtak hnuaiah kumhlui thlahin, kumthar hmuah thlen a ni.

Boruak nuamtak hnuai ah Lawngtlai District mipui ten kumhlui thlahin kumthar an hmuak thleng a, vawiin khan Kohhran hrang hrang ten Kumthar inkhawm an nei

Nizan kumhlui thlahzan ah Lawngtlai District chhungah thilduhawmlo liantham thleng hriattur a awm lova, Sorkar in khap mahse, Lawngtlai khawpui ah  zan dar 12 bawr ah khawpui chhung ah halpuah lam chi hal a nasain, a bikin boruak a halmawi lam chi meithallawn hal chuan hlut a hlawh zual a, Sorkar hian awmzeneiin khapna thupek siamin, thlakhlehawm tham in halpuah leh halmawi lam chi hi kumhlui thlahzan hian hal ni lawlaw se tih chu mi tamtak duhdan a ni

Vawiin kumthar inkhawm ah kohhran hrang hrang ten kumthar atan a inbuatsaihna lam hawi Sermon an ngaithla a kohhran tam zawk chuan thingpui ruai nen kumthar lawmna neiin, kohhran thenkhat ruai nen a kumthar lawm an awm laiin, a nawlpui chuan naktuk hian kumthar hi ruai nen an lawm chhunzawm ang.