Lai Women Association, General Headquarters, Lawngtlai chuan, Bangladesh atanga an sahimna zawnga Lawngtlai District a tlanlutte chhawmdawlna tur vawiin khan an thawn.
Lai Women Association, chuan Lawngtlai khawpui chhunga an Branch hrang hrang ten Raltlan tanpuina tur, Thawmhnaw, Mutbu leh Bungbel an khawnkhawm te chu vawiin khan Vathuampui, Mautlang leh Chamdur 'P' a raltlan awmmekte an thawn a, Parva-III a Raltlan awmte chhawmdawlna tur chu hunremchang dang ah thawn turin an ruahman.
Vawiin a chhawmdawlna an thawn hi Vathuampui ah Bag 28, Mautlang ah Bag 25, Chamdur 'P' ah Bag 24 a vaiin Bag 77 niin, LWA Gen Hqrs Office, Electric Veng, Lawngtlai atangin LWA Gen Hqrs President Pi V.Lalrinkimi hovin LWA hruaitute leh Central Young Lai Association hruaituten an vailiam.
Tundinhmun ah Vathuampui, Mautlang leh Chamdur 'P ah Raltlan 154 an awm mek a, Parva-III ah 156 an awm mek bawk.
Tags
News