Editorial || PAWISA KHAWN HI.

Lawngtlai District chhungah, a bikin Vaseikai vel ah Zirlai Pawl ten pawisa an khawn thawm hriattur a awm leh zeuh thin a, hremna petheitu lamin an chungah hremna an lekkawh theih nan hmalakna pawh kalpui a ni thin turah ngai ila, tute pawhnise, pawisa khawn thawm hriattur awm hi a tunlai lovin, hnam mualphona, pawl hmel tibaltu a ni.

Zirlai pawl hminga pawisa khawn hi  an lo awm tak tak a nih chuan, a khawntute kha Kristian an ni a ngem le.. YMA member an ni angem aw... an awmna Branch YMA hmingin hnamdang hnenah pawisa an khawn duh angem ? An duhlo a nih chuan Zirlai pawl behchhana an khawn hreh silo a nih chuan, pawl a telve tlak an ni hauh lovang.

Zirlai pawl te hian Zirlaite tan hmala maisela, an zirlaipui dawmkanngai an awm a, chumi atan vehbur an khawn a nih chuan mipuiten an hrethiam em em ang. Chutiang lam hawi ni a ngaihtheih nilemlo a pawisa khawn thawm hriattur a awm thin hi, a khawn thinten an sim a tha khawp mai.

Tunhnaia Vaseikai lama pawisa khawntute ni a sawite phei hi chuan an khawnna Area ah hian member pawh an nei kherlo maithei a, hnamdangte thlavang hauhna leh hungbikna lam nilovin, hnamdangte hi a pawng ataka an pawisa laksak theih ngawtna hi tutemahin an neilova, an area ni emaw nilo emaw, kan huamchhung a ni emaw nilo emaw, pawisa khawn zawnga pawl in hma a lakfo chuan, chu pawl chu tutemahin rinngam ah an dah tak tak thei lovang.