Editorial || KAN HLIMNA HIAN MIDANG NEK LOSE.

Hunpui kan thleng leh dawn tawh a, inbuatsaihna leh inpuahchahna hrang hrang pawh theihtawp chhuahin kalpui mek a ni a, kumdang zawng aia Thlarau leh tisa a hlawkna changturin mitin te hunpui hmangtura kan inruahman a tha awm e.

Kan hlimna te, kan lawmna hi nasa thei angbera lantir hi mihring nihchhungin a aia hlu a awm chuanglo in a rinawm a, hetihrual hian kan hlimnate, kan lawmna te hian midang nek lose, chu chu mipangngai zia a ni a, midang mitmei veng chunga hlimtaka hun hmang thiamte hi an tunlaiin, an zahawm tih hi kan pawm tlan a hun.

Tun atangin zanrei ah Krismas lamhawi hla play chunga khawlaidunga lirthei tlan hriattur a awm tawh a, thenkhat chu zanrei lam atan chuan a bengchheng mah mah in a rinawm, hetiang deuh hian halpuah leh halmawi lam chite pawh a hun leh a hmun hrethiam taka hal a nih chuan hnawksak aiin, midang tihlimtu a nithei tih a chiang a, chak tak taka fimkhurna tlachham tih hriat ngawih ngawiha khawlai dunga             lirthei khalhte hi, a khalhtu tan a nuam a       nih pawn, an hlimna     chu midang tan hnawksak a nithei tih hriain, nunphung pangngai zawk zawhse, an hlimna pawn a daihrei zawkin a rinawm.

Engpawhnise, mitin hian kan nundanah zalenna kan nei theuh a, midang tana hnawksak leh nek zawnga chet erawh kan zalenna neih hian a huamlo tih hria ila, hlimtakin, midang nek silova hunpui hmangtura kan inruahman a tul in a hriat ani.