Tunkar Thawhtanni leh Thawhlehni khan YLA Tuithumhnar Group hruaitute chuan an huamchhung fangin, inkalpawhna kawng siamthat hnathawktu Contractor te hnathawh enpuiin an kawm a, an hnathawh lai mek chu ruahtuiin tlem lam a pan tawh a vangin thawk chhunzawm a, a tha thei ang bera thawh an duhthu an hrilh.
Hruitezawlah zingchaw an ei hnu ah Tuidangchhuah, Kakichhuah leh New kakichhuah te tlawhin Branch OB te nen ruihhlo an dap a, Branch YLA hmalakna vangin ruihhlo hmuhtur a awmlo chu lawmawm an tih thu Group YLA hruaitute chuan an sawi.
Tlailamah Ngengpuitlang branch leh Hmawngbuchhuah an tlawh a, Hmawngbuchhuah ah hian zu tam tham tak manin , an zu chhuan lai te man in an tih chhiatsak a, hetiang thil hi tih tawhlo turin an hrilh nghal.
Model village,T.Dumzau leh Laitlang te Group hruaitute hian tlawhin Branch hruaitute nen ruihhlo an dap nghal a, Zochahhuah branch hruaitute nen ruihhlo an dapzui bakah branch hmalakna leh hmachhawp te an sawiho bawk.
Tuithumhnar Group YLA hruaitute chuan an huamchhungah YLA hmalakna chaktaka kalpui a ni chu Branch hruaitu leh Member te inpekna vanga nih thu an sawi.