Lawngtlai ah Nation-Wide Intensive Awareness Programme hawn ani.

     Vawiin khan Reserve Bank of India,  Integrated Ombudsman Scheme hmalaknain, HDFC, Lawngtlai Branch ah Nation-Wide Intensive Awareness Programme hman a ni a, Bank lam a mithiam ten Bank kalphungte, Sum khawl leh renchem chungchang leh himzawka sum khawldan te kalkhawmte an hrilhfiah.

        He hun hi Pi  Rosie Lalrinmawii, Branch Manager, HDFC Lawngtlai  chuan kaihruaiin, Pu Lawmkima, Lead Bank Manager, Lawngtlai District chuan Nation-Wide Intensive Awareness Programme  2022 hawngin, khawvel hmasawn chhozel ah  Internet hmanga inbumna  mipui ten an tawh nasat thu sawiin, he National Intensive Awareness Programme in a tum ber chu Internet leh tunlai thiamna hmanraw hrang hrang hmanga inbumna  Cyber Fraud laka mipuite an himtheih nan a Bank kaltlanga hmalak a nih thu a sawi.

    Awareness Programme hawnna inkhawm ah hian  State Bank Of India, Lawngtlai Branch Manager Pu R.Lalhmachhuana, Mizoram Rural Bank, Lawngtlai Branch Chief Manager Pu Joseph Lalremruata leh Mizoram Co-Operative Apex Bank, Lawngtlai Branch Manager Pu Lalchhuanawma ten  zau zawka Fianancial Awareness Campaign  neih dan tur te, Internet kaltlanga inbumna avanga mi tamtakin an sum khawlsa an chan tawh thute, heng inbumna laka mipui an  him zawk theihna tura Bank hrang hrang te nena thawhhona tha neih anih theih dan te an sawi a, he hun a telten an ngaihpawimawh zawng an sawi bawk.