E,F&CC Dept. LADC leh Central YLA in thawhhona thuthlung an ziakfel.

        Vawiin khan Lai Autonomous District Council hnuai a Environment,  Forest, & Climate Change Department leh Central Young Lai Association chuan LADC huamchhunga ramngaw leh nungcha vemhimna tur leh Environment tha leh hrisel a awmtheih nan thawhhona thuthlung an ziakfel.

     CEM Conference Hall a thawhhona thuthlung ziahfelna hi LADC a Executive Secretary Pu H.Lalruatkima'n kaihruaiin, LADC a Tlawmngaipawl lianber nen LADC Sorkar in ramngaw leh nungcha, Environment chhezeltur ven nan a thawhhona an neithei chuan nghawng thatak a neih ngei a beisei thu a sawi a, Central YLA President Pu HC Vanlalruatpuia chuan YLA chuan an thiamdan angin thawhhona siam hma pawn hma an lo lak nasat tawh thu sawiin, awmzenei, kalphung mumal zawk nen hmalakna kalpui a nitur chu YLA te an lawm takzet tih sawiin,  Ram leh Hnam humhalh na ah kawng hrang hranga hmalakna kalpui a nihloh chuan awmzia thuitak a nei dawnlo a, he rama lo awmzelturte tan chenna tlaka hnutchhiah chu tihmakmawh a ni a ti.

       Vawiin a Environment, Forest  & Climate Change Department leh Central Young Lai Association ten thawhhona an siam ah hian thawhdunna tur hlawm lian pasarih awmin, LADC Sorkarin dan a neihte chakzawka bawhzuina ah YLA chuan a tul angin tha a thawh dawn a, hmalakna a chakzawk theihnan YLA in ruahmanna a neihte pawh Sorkar nen tangduna bawhzui a ni ang, thawhhona hian March 31, 2024 thleng a huam anga, a tuldanin pawhsei theih a ni dawn a ni.