LADC Sorkar State Sorkar lakah a beidawng viau tawh, Pu T.Zakunga'n a ti.

 LADC-A MNF SORKAR HI STATE-A MNF SORKAR LAKAH AN BEIDAWNG VIAU TAWH A NI, CHUVANGIN, LAIRAM DINHMUN CHHE TAKA AWM MEK CHHANCHHUAK TUR HIAN BJP HI KAN RAWN LET THUAI DAWN.

-T. Zakunga MDC, State BJP Vice President

    Vawiin ni 31 October, 2022 (Monday) hian Lawngtlai District BJP te chuan Karthar inhlanna leh Political Session neiin, Pu TC. Rorelliana General Secretary, BJP Lai Autonomous District in a kaihruai a, Pu C. Lalneihkhuma Core Committee Member, President Minority Morcha President BJP Lai Autonomous District in hunserh a hmangin, Pu T Zakunga LADC MDC, BJP State Vice President ni bawk chuan thusawina hun anei a ni.

    Pu. T. Zakunga chuan “LADC a MNF Sorkar chuan Mizoram State-a MNF Sorkar aṭangin mipui tana development sum an hmu hleithei ta lo a, State Sorkar hian District Council Sorkar hi a duhsak lo hle tih alang chiang hle. Heng avang hian vawiina LADC Council hruaitute State Sorkar lakah an beidawng ta hle a ni a ti.

    Pu Kungtea chuan NEC aṭanga Lai Community tana sum rawn kal pawh M F Sorkar chuan LADC kutah an dah duhlo a, BADP bakah SEDP leh Central Schemes dangte pawh LADC kutah dah pakhat mah a awm lo. Council budget atang chuan mipui nawlpui chantur sum dah theih a nilo a, sum am ang ang chu hlawh ah a kal ral deuh vek a. Budget pawn lam aṭanga duhsakna sum an dawn tlat loh avangin, tun hmaa mirethei leh miharsate inpui ni ṭhin kha, tunah chuan Mirethei te pawhin Council Sorkar chu beisei tlakah an ngai ta lo. Chuvangin, Lairam dinhmun chhe taka awm mek chhanchhuak tur hian BJP hi kan rawn let thuai dawn a ni,” a ti.

    Pu Kungtea chuan, “Pu Zoramthanga CM kaihhruai MNF Sorkar chu Central BJP Sorkar chuan a duhsak thei tawhlo a, hei hi hmai hnih neia an khawsak vang a ni. Central an dawr dawnin NDA partner annih thu hahip in an sawi a, Mizoramah BJP MLA erawh an thawhpui leh duh si lo. Chuvangin, Central BJP hian an mizia hi a hriatchian em avangin, a duhsak thei tawh lo a ni a ti.

Pu Kungtea MDC chuan, “PMJVK chungchanga Minister chak tak Pu Robert Romawia Royte hmalakna hi ram mipui hma khawngaihna vang ni lovin, mimal hmingṭhatna leh hlawkna duh vanga hmalakna niin a lang a, PMJVK Project aṭang hian mipui nawlpuiin an chhawr phak education, Skill development, Sanitation etc. ah te hian hman ni se la, kan ṭangkai pui zawk ngei ang. He project an kalpui duhdan atang hian, mirethei te hamṭhat na tur hmuh tur a awmlo hi a lungchhiatthlak takzet a ni. Chuvangin, miretheite hmangaihtu BJP hi nakkum 2023 inthlanah khian Mizoramah BJP telna Sorkar hi a din ngei a ṭul a, Mizoram hi dinhmun ṭhaah kan hlang kai ang a, ram nuamah kan siam dawn a ni,” a ti.

    BJP MDC Pu Kungtea chuan, “BJP te’n kan buaipui mek 125th Constitutional Amendment Bill 2019 (Sixth Schedule Amendment) chu a hmawr bawk a ni dawn hnai ta. Hun reilote hnua hlawhtlinna kan chan hunah mi ṭhenkhat te chuan he hlawhtlinna hi BJP in an dil avanga Amend a nilo tiin an la sawi leh duh maithei. Hetianga sawi an awm chuan, an rilru put hmang a dik lo a, rilru verther an put vang a ni ang. BJP chuan kan ram dinhmun chhe lutuk hi a vei a, dinhmun ṭha zawka din tir hi a tum lian ber chu a ni. Chuvangin, Minority-te hmangaihtu BJP chuan kan thil beisei mek hi min tihhlawhtlin sak dawn a ni,” a ti.

Issued by : Media Cell BJP Lai Autonomous District Hqrs: Lawngtlai

1Roding Luaia

Seen by 23

Like

Comment

Send