LADC Golden Jubilee lawmna kalpui mek ani.

     Kumin hi Mizorama Autonomous District council pathum,.Lai, Mara leh Chakma Autonomous Dist. Council ten kum 50 an tlin kum a ni a, Lai Autonomous District Council chuan kumkhat chhung, Golden Jubilee.lawmna hi a kalpui mek.

    LADC hian Golden Jubilee lawmna hi kumin April 29 khan neihtan a ni a, kumin chhungin Infiamna hrang hrangah intihsiakna a buatsaih chho mek a, Jubilee pual hla inphuahsiak leh Hnamlam leh zai intihsiakna te
buatsaih a ni a, khua leh veng fai te pawh thlanturin ruahmanna siam a ni.

    Golden Jubilee lawmna puiber hi karleh Thawhlehni leh Nilaini khian Lawngtlaia Central YLA Playground ah neih tur a ruahman a ni a, Jubilee Organising Committee chuan LADC Golden Jubilee lawmtur hian Laifa, Mizoram chhung leh khawhvel hmun hrang hrang awmte an sawm.

    Golden Jubilee denchhen hian vawiin khan Doordarshan Hla thlan hun buatsaih a ni a, LADC Sorkar a Chairman leh Executive Member te leh Officer leh Staff ten Pathian hla leh Krismas hla an thlang a, Doordarshan Team ten Golden Jubilee puala hla thlanna hun an siamsak chu lawmawm an tih thu LADC thuneitute chuan an sawi.