Editorial || EF&CC leh CYLA THAWHDUNNA TUR HI.

Kumtina kawngpui kama thingtiak phun zozai hi damkim sela chuan, kan kawngpui kam thenkhat hi chu Kelpal ai pawn a phui zawk tawh hial maithei.

Kum tamvaklo kalta atang khan awmzenei zawka hmalakna kalpui a ni tana, a hlawhtlinna pawh a lang chho nual tawh a, a lawmawm khawp mai.

Hetihrual hian, sumdawnnan thingzai tamtak District pawnlam a phurhchhuah a ni thin tih Central YLA hruaitute chuan an sawi a, danin a khap nimahse, thawktu indaihlohna vang leh chhan dang dang vangin danchah tuma hmalakna chu a sawt lutuklohna lai a awm thin a, tunah chuan LADC Sorkar leh Central YLA in heng nungcha, ramngaw leh Environment humhalh tur hian thawhhona tur thuthlung an siam ta a, a lawmawmin, heihi ram leh hnam damna atan thilpawimawh tawpkhawk ani.

YLA a chetchhuah chuan awmzia a nei ngei ngei thin tih hrechiangtu chu rampuite an ni a, Sorkar chuan hmalakna a kalpui renglai a ni a, YLA meuhin helam hawia Sorkar nen thawhdunna tur a nei hi a lawmawmdan hi a sang khawp mai.

Hmalakna kalpui chhoh mup mup a ni ngei dawn a, chhungtin fanchhuak YLA in hma a lakna hi YLA Member bawk hi a tithuanawptu an nithei tih a chianga, tha leh sum hautaklo zawng, hruaituten hahdam zawka hma an laktheihnan, mipui lamin hmalakna awm apiang an thlawp hi khua leh tui diktakte tan tihmakmawh a ni ngei ang.