Multi Modal Transit Transport Project kawngpui sialin an ram a tihchhiatsak neitu intelkhawm, Lawngtlai District Land Owner Association chuan zangnadawmna an dawntur pethuai turin Sorkar an phut nawn leh.
Nimin tlai khan an thilphut tihlawhtlingtura Sorkar an phutna tihlan nan thuziak kengin Lawngtlai DC Office tual ah Ram neitute an pungphawm a, hemi hnu hian Lawngtlai DC chuan, PWD, leh Forest hotute leh Land Owner hruaitute Meeting a neihpui a, Land Owner hruaituten an sawidanin, Meeting ah hian helai kawng survey a nih tantirh laiin Sorkar lamin Degrated Jhum Land Hactare 181.51 awm anga an dah chu a dikloh vangin, KMMTTP kawngpui in a paltlangah Degrated Jhum land a awmloh thu Forest leh PWD lamin Sorkar ah ziakin thlen se an ti.
Ram neitu intelkhawmte chuan Mizoram Anti Corruption Bureau in nguntaka a chhui hnuin ram neitu diktak mi 138 a finfiah te chu High Court in kum 2021 December Ni 8 khan zangnadawmna peturin Sorkar a tih tawh chu tunthlengin pek an la nilo chu hriatthiam har an tih thu an sawi a, heng Genuine Pass 138 ten zangnadawna an laktur hi a vaiin Rs 62,54,82,545 ( Nuai sang ruk , sawmrriat pakhat , sing kua sang nga za nga sawm thum pakhat) a ni.
Tags
News