.jpg)
Lawngtlai Auto Rickshaw Owner Association chuan, kum 5 chhung chu Permit thar pechhuak loturin Sorkar an ngen a, hetihmek lai hian Sorkar chuan Lawngtlai khawpui tan Permit 68 pekchhuahturin a ruahman a, hemi dodal nan hian DTO Office a thawktute pisa kaitur pawh an dang hial a.
LAROA lam chuan tuna Service lai hi 450 bawr vel niin an sawi a, Stand pawh an indaih tawhloh thute, nitin a eichawp zawng, harsa taka chhungkaw chawm tan tun dinhmun ah an lakluh chu a beitham viau a, heivang hian tundinhmun a Auto Rickshaw awmsa hian mipui mamawh a phuhruzo viau a an hriat vangin, Permit thar pekchhuah tawh pawh sut turin Sorkar an ngen thu an sawi.
LADC Village Council inchhiarna hnuhnungber ah chuan Thingkah leh Chawnhu telin, Lawngtlai Town ah mihring cheng 31,715 awmin mihring cheng zawng zawng atanga chhutin Auto Rickshaw pakhat hi mi 70 velin intawm ang a ngaihtheih a ni a, Indinglai 6354 awmin In 14 in Auto Rickshaw pakhat intawm anga ngaihtheih a ni bawk.
Mahse, khing mihring chengzat leh Indinglai atang khian mahni a lirthei nei, Auto Rickshaw mamawhlo, hmang ngai lo tamtak an awm tih a chiang a, mihring chengzat atanga chhutin a zatve vel in Auto Rickshaw hi hmang thin angin chhut ila, mihring 35 velin Auto Rickshaw pakhat intawm angah ngai ta ila, chumite chuan an hmang reng lo tih hre bawk ta ila, tuna Auto Rickshaw Service lai hi 450 an tling a nih chuan kan mamawh belh leh mamawh belhloh chu a pechhuaktu Sorkar lam in an hrethiam em em tur ah ngai ang.