- T. Zakunga MDC, BJP State Vice President
BJP Mizoram State Vice President atana ruatthar Pu T. Zakunga MDC chuan, Lai Hnam leh Ram tan hmasawnna tur kawng thar inhawng mek chu tun atanga hun rei vak loah a inher chhuak thuai dawn. Lai, Mara leh Chakma BJP Co-ordination committee in hun engemaw chen atanga, ADC ten thuneihna sang kan buaipui mek Constitution Amendment Bill chu a hmawr bawk ani tep tawh a ni. Tharik ni 4 October, 2022 (Thawhlehni) khan BJP National General Secretary (organization) Shri. BL Santhosh leh Dr Sambit Patra Co- Ordinator NE BJP te chu Aizawl hmunah hun thawl tak hnuaiah hmuin, inkawmhona hun tha tak neih a ni a, he hunah hian Pu BL. Santhosh-a chuan, hei hi Central BJP hotu te thutiam leh hmalak mekna anih avangin hun reilo teah *The Constitution Amendment bill 2019* hi tih puitlin ani ang a ti a ni.
Pu Kungtea chuan Lairam mipui ten kan nghahfak a fel hunah chuan, Lai hnam rilru pu chungin Lairam sawrkar hi a kal tawh ang. Tuna LADC a MNF Sorkar mekna chuan hnam rilru a pu pha meuh lo a ni tih sawiin, Laifate Kût pawimawh tak mai *Hlukhla* chu MNF an sorkar atangin tum hnih lai an hmang tawhlo a. Kan hnam kût hetianga hman chhunzawm ani ta lo hi, hnamah an chian tawk loh vang a ni. Chuvangin, he sorkar hi rei an kal a rinawm loh ani a ti. He thu hi ni 10 October, 2022 (Monday) a BJP Lai Autonomous District Hqrs: Lawngtlai in BJP State Vice President a ruatthar anih lawmpuina hun an buatsaihah a sawi a. He hun hi Pu JC Ngurluaia Senior Vice President in a kaihruai a, Pu L. Lawmkima Adviser in hunserh a hmang.
Pu T. Zakunga chuan, kum 2023 a MLA inthlanah khian BJP chuan Sorkar na siamturin theihtawp a chhuah dawn a, chumi atan chuan hruaitu thar ruat a ni a, Vice President atana ruat ka ni hi ka lawm a, party tan theihtawp ka chhuah dawn a ni. Kan thil beisei mek chungchangah hian party thenkhatin, an hlawhtlin loh chuan party dang an bel ang tiin an sawi thin a. Hetianga sawi thin tute hian hei hi hria sela ka ti a ni, Lairam BJP te hian eng party mah kan puihin kan bel dawn lo a, 2023 MLA inthlanah pawh hian Lawngtlai East leh West ah kan ding ngei dawn a, Pathian leh mipui zarah kan tling ngei bawk dawn a ni a ti. Pu Kungtea chuan BJP chu mirethei te ngaihsaktu party a ni a, keini hnam tlem te leh midang te ruala ke pen ve mamawh tan chuan, kan belh tlat a ngai. He kan harsatna atanga khaichhuah hi min tum a, chumi atan chuan ruahmanna pawh peihfel ani tawh a ni. Vawiin ni a min telpui theilo te pawh hian, hlawhtlinna kan chan hunah chuan a hnam anga lawmthu sawi erawh kan tih ve a tul dawn a. Chumi atan chuan kan inbuatsaih lawk a ngai ani a ti.
Pu Sapliana Vandir Ex-MLA, President BJP Lai Autonomous District Hqrs: Lawngtlai chuan Party aiawhin Pu T. Zakunga hi lawmpuina pangpar a hlan a ni. Pu Sapa chuan thusawina nei nghalin, BJP State President atana Pu T. Zakunga ruat a ni hi lawmawm ka ti a, ka thinlung takin ka lawmpui a ni. Politics a experience nei a ni a, State BJP pawhin nasa takin hma a sawn phah ang tih hi ka ring a ni. BJP chauh hi minority te min hmangaihtu party awm chhun a ni a, hei hi Laifate pawh hian kan hriatchian a tul hle mai. MNF Party hnuaiah phei chuan Laifate hi kan himlo a, kan chan tur dik pawh kan hmuthei lo. Vawiin ni thlenga Mizoram a MNF Sorkar in ADC ten thuneihna kan neih anga *MDC Salary Bill 2019* passed tawh chu, tih hlawhtlin sak duhlo a, dan lo anga ala hreng khaw tlai lui tlat te hi, minority anga inhmuhsitna a ni a, a lungchhiatthlak takzet ani a ti.
Pi. Lalhruaitluangi Vandir, District Mahila President leh National Executive Committe Member (Central Mahila) ni bawk hnen atangin Aizawl zin reports ngaihthlak a ni. Pi Mahruaii chuan, BJP National Mahila President Aizawl rawn kal thu leh a hmalakna hrang hrang te reports pein, hun remchang hmasaah ADC Area rawn tlawh a tum thu te ngaihthlak a ni bawk.
Members kalkhawm te atangin mi dng emaw zatin Pu T. Zakunga MDC, BJP State Vice President a nih lawmpuina thu an sawi a, Pu MC Suiawia Vice President BJP Lai Autonomous District in tawngtaina in hun a khar a ni.
Issued by: IT & Media Department, BJP Lai Autonomous District Hqrs : Lawngtlai