Synod leh LIKBK puipate an inkawm.

 Synod Inkhawmpuiin alo Passed tawh Mizoram chhunga Kohhran dangte nena inpumkhatna chungchangah hmalak ni rawhse tih bawhzuina kal zelah, vawiin khan Lairam Isua Krista Baptist Kohhran Puipate leh Mizoram Synod Puipate an inkawm.

Lairam Isua Krista Baptist Kohhran Assembly Committee room, Lawngtlai a inkawmhona hi Upa Zahranga,LIKBK Assembly Chairman chuan a kaihruai a, Synod Puipate chuan Synod inkhawmpui thu Passed tawh chungchang sawi zauvin , Kohhran dangte nena Inpumkhatna neia,Lalpa rawngbawl ho chu tun dinhmunah a pawimawh takzet tih sawiin , Synod atanga an thuken  te sawilan ani bawk. 

Mizoram Presbyterian Kohhran leh LIKBK hian rawngbawlna kawng hrang hrangah thawhhona thuthlung an lo siam tawh a, tun tuma Synod Puipa ten Mizorama Kohhran inpumkhatna tura hma an lakna chu LIKBK Assembly hruaitute chuan tha an tih thu leh an thlawp tlat thute, atul anga thawhpui an tum thu inkawmhona ah hian an sawi.

Nimin lamah khan Synod puipate hian Lunglei Serkawna BCM hmunpui ah BCM puipate nena inkawmhona an lo nei tawh a, he an inkawmhona ah hian Kohhran inpumkhatna atana thawhhona chu tha an tih thu te, Synod hmalakna chu BCM chuan uluk taka an lo zir chian tur thute sawiin, hlawk takin an lo inkawmho tawh ani.

Tun tuma Synod Puipate Kohhran Inpumkhatna tura feh chhuakte hi Rev.Dr.K.Lallawmzuala, Executive Secretary, Rev. PC.Pachhunga, Finance Officer. Rev. Dr.Lalhmangaiha leh Upa Ronghaka, PressCom Manager te an ni.