Lawngtlai District chhimlam, Laitlang piah, Myanmar ram chhunga Myanmar Sipai leh Arakan Army te inkahna vanga an sahimna zawnga Lawngtlai District a tlanlut chu mi 500 an tling tawh.
Ramridep, Myanmar ramchhung, Varang chhehvel a inkahna hi vawiin lam ah pawh thawm hrittur a awm deuh reng a, Sorkar Sipai chuan Arakan Army beih nan hian Thlawhtheihna pawh a hmang a, hetianga inkahna a thlen deuh reng vang hian Varang leh a chhehvel a mipui nunau ten an sahimna zawngin Nilaini atang khan Laitlang leh a chhehvel khua te panin,Laitlang leh a chhehvel khua te panin, Lawngtlai Police ten an chhinchhiah danin raltlan lutzat hi mi 553 an tling tawh a, Laitlang-ah 172 Dumzautlang-80 Hmawngbuchhuah ah 200 zochachhuah ah 101 an awm mek
Zirtawpni khan Central Young Lai Association chuan Treasurer Pu R.Rampana hovin Relief Team, ramri ah hian a tir a, raltlante eitur atan Buhfai Bags 55 an pe a, Central YLA hian a tuldan angin chhawmdawlna hi thawhchhunzawm an tum.
District thuneitu lam pawn ramri dinhmun hi an vilreng a, mutbu leh damdawi lam te, an mamawh hmasa tur ang chite a ngaihtuahsak bawk.