Lai Autonomous District Council a Chief Executive Member Pu V.Zirsanga chuan Nunpuitlinglo, hriatna leh thiamna hian ram, Kohhran leh khawtlang ah nghawng thalo a nei mek a ti.
Nimin a DIET, Lawngtlai in Zirtirtute Ni hman pah a, Mizoram a D.El.Ed Exam a pakhatna, DIET lawngtlai a zirlai Lalrammawii chawimawina leh zirchhuakte thlahna hun an hmanna a hmanpuina ah Pu V.Zirsanga chuan Zirtirtute hna chu mipuitling chherchhuah a ni a, naupang, an Zirlai thiam ringawt, nunphung pangngai penbosan tamtak, lehkhathiam tak tak an tam tawh a, hengmite hian a thalo zawngin nghawng an neichho mek a, mi hmantlak chherchhuah kawng ah tanlak a ngai zual hle a ni a ti.
Pu V.Zirsanga chuan Zirtirtu, Aikal lakchingte chu nataka demin, harsatna hmachhawn tumlo, a hlawkna chauh duh ten Aikal an la thin chu thalo a tih thu sawiin, Aikal lakchingte hi chuan eng hnapawh thawk se, Sorkar thausawh bak engmah tum an neilo a ti.
Nimin a DIET Lawngtlai hmunpui, Thingkah a hunhmanna ah hian Mizoram puma pakhatna Lalrammawii chuan dinhmun sangtaka a dintheihna chhan chu an Pathian leh zirtirtute vangte, a Nu leh Pa ten thingtlang hnathawk chunga an theihtawp an chhuahpui vang a nih thu a sawi.
Kumin 2022 a Mizoram D.El.Ed result tihchhuah tak ah DIET Lawngtlai atangin Distintion a passed 8 awmin First Division a passed 15 an awm.