Hethu hi Executive Secretary hian Lawngtlaia Chanchinbumite thingpui a inpuina ah sawiin, hun inherdanglam angzelin, thawktute a hunlaia mamawhna a awmtheih vangin hunkaltawh lam a ngaihtuahlo tih sawiin, ama dinhmun bikah chuan a pension hun a thlen hun ah a chhuah mai chu midang tan pawh thiltha ni a a hriat vangin, thutlukna mumaltak, Executive Secretary hna a chelh atangin a nei tih a sawi.
Pu H.Lalruatkima chuan LADC vanga hamthatna kan hmuhzozai hi kan thlir thiam tul a tih thu sawiin, mahni chawbel tikeh leh mawilo zawnga sawiduh kan awm thin hi a fuhlova, a mawilohna lai tuammawia tanlakho tul a tih thu a sawi bawk.
Chanchinbumite chu ram hmel lanna pawimawh ber zing ami anih vangin tan la sauh sauh tur a fuihin, LADC nen thawhhona thatak awmmek chu chhawmnun zel a duh thu a sawi bawk.
MJA President Pu Lalngheta Ralte chuan, LADC nen thawhhona thatak an nei tih sawiin, District dang te awhtham a tling a ti a. Social media hman kawngah Sorkar hnathawk ten dan in a hungbikna an hriat tam tul a tih thute, mipui mimir pawn Social media atanga mahni mawnghlim aia, khuhmawia, siamthatu nih an tum a tul a ni a ti.
Executive Secretary tharin MJA te thingpui a inpuina ah hian Executive Secretary hi Jt.Secretary Py L.Z Tluanga leh I&PR, LADC atangin Pu PC Chuaudinga ten an tawiawm a, LADC kaldan leh Journalist te hamthatna leh tihtur leh tihlohtur te an sawihova, MJA Lawngtlai District hruaitute chuan Executive Secretary in huncheptak karah a hun bullam ah Chanchinbumite a ngaipawimawh chu lawmawm an tih thu an sawi.