Editorial || ZIRTIRTU AIKAL LAK HI.

CEM Pu V. Zirsanga chuan, Zirtirtu, Aikal lak chingte chuan an sim theih a beiseiloh thu sawiin, Aikal laktheihlohna, lak remchan tawhlohna hmun ah pawh lak hram an duh a rin thu nimina DIET Lawngtlai in hunpawimawh an buatsaih a hmanpuina ah a sawi a, CEM hi Zirtirtute dinhmun hrechiangtu a ni a, a nihna takah chuan a beidawnthlak a ti ve viauin a hriat.

Aikal lakchingte hian an hna chu an mihringpuite tan thawk duhlovin, a hlawkna chauh an duh tih a chiang a, hetiang tithin hi tamtak an awmin a rinawmloh a, a awmchhunte erawh ram kalphung pawthniam tham an niin a hriat thung a ni.

Aikal lak hi lohtheihloh bik chu a awm tih sawi a ngailova, engemawhlek ah Aikal lak zel mai ang chi hi a awm a nih chuan thuneitu lam pawn, inthlan leh hun thlir lemlova, thawk duhlo chu chawlhtir maise, chu chu a chinfeldan awlsam ber niin a hriat a, a chinfel dantur hi, ziaka tawite nisi, a tak ram thlentur chuan harsa tak a ni si lai hi thuneitu lam tan chona liantak a ni thunga, ram tan chuan huaisen taka ke pen bawrh ngam mamawhna hi a lian chho viauin a hriat.