CEM in Western VC Association Conference a hmanpui.

        Pu V. Zirsanga Chief Executive Member, Lai Autonomous District Council chuan vawiin (22.09.2022)  khan  Lawngtlai Western Village Council Association Conference -2022  Bungtlang South Community Hall a neih chu khuallian niin a hmanpui.

        Pu V. Zirsanga chuan, Village Council hruaitute chu an mahni huam chhungah chuan Magistrate an nih thu leh, hetiangah hian thuneihna hmangsual a awm theih tih sawiin, NGO dangte nen khawtlangah thawhhona ṭha neih apawimawh thu a sawi a.

        VC buai  thawm hriatreng aiin, hnathawk ṭha VC nih hi kan ram leh khawtlang mamawh a ni a. Rorelna dik, fel leh rintlaka hnathawk thei tur leh, inhmangaihna leh thawhhona tha nen ke  pen turin VC te a fuih,  khawtlanga ro in relna ah rintlaka hna  thawk turin a ngen bawk

         Lawngtlai Western Area chhungah hian - Lai, Pang, Chakma, Bawm, Bru, Mizo leh Mara te chenna a ni a, tumah hi a sang bik leh inthliar hrang thei kan awm chuang lova, hnam kan nihna anga hmasawn tura tanlak hi tihtur hmasa leh pawimawh a ni CEM chuan ati.  

        Pu C. Rongura LADC a Executive Member, LAD changtu chuan, "VC te chu hnathawk tha, a chhelai siamthatu nihtum turin achah a, Mipuiten hnathawk turin an thlanga,  rintlak a hnathawh chu an bat a ni, a ti.