Lawngtlai DC Office in a chhinchiahdanin nimin thleng khan Sorkar phalna a Vawk suat 38 awm tawhin amah a thi 14 a awm tawh a, ASF hian ziaawmlam a pan meuhloh vangin Lawngtlai DC chuan Vawk talhtute zawmtur dan khauh zawk in a duanga, Lawngtlai khawpuia Vawk talhtur te chuan AH&Vety mithiamten, a hriseltha tih an finfiah chu tihmakmawh niin, finfiah tawh pawh, talh dawnin an huamchhunga ASF Village Level Response Team emaw Village Council ah hriattir turin Vawk talhtute a hriattir.
Lawngtlai ah hian State leh LADC a AH&Vety mithiamten Vawk talhtur te hriselna an enfiah thin a, khawpui chhungah Vawk thi a awm deuh reng vangin Vawksa leitur pawh a vang viau tawh a, Lawngtlai DC chuan Ramdang, State dang, District dang leh Khua leh Veng dang atanga Vawk leh Vawksa atanga thilsiam lakluh a khapna chu kalpui mek a ni.
Lawngtlaia AH&Vety mithiamte chuan ASF pudarhtu zingah Mihring kan tel vangin fimkhur a ngai zual tih an sawi.