He hun hi Additional DC Pu James Miahlung chuan kaihruaiin, tawng chu hnam rohlu pakhat a nih avangin mahni hnam tawng humhalh a, chawi san a, hman uar zel a pawimawh thu a sawi a. tawng humhalhna atana pawimawh tak pakhat chu a hman dan dik taka hman leh a ziah dan dik taka ziah a nih thu sawiin, DC Office-a thawkte tan phei chuan lehkha tihchhuahte tawngkauchheh dik leh dik taka ziah a pawimawh lehzual a ni, a ti.
He hunah hian Government Lawngtlai College-a Mizo Department-a Assistant Professor Pu David H. Zothanpuia chuan DC Office dealing clerk kal khawmte chu "Mizo Tawng Ziah Dan" chungchanga hriat tur pawimawh hrang hrang, office hna thawhnaa hman nghal theih chi te zirtirin, mahni inzir belh zel theih dan tur kawng a kawhhmuh nghal a. Zawhna leh chhanna hun hlawk tak hman a ni bawk.
Tun hnai hian DC office chuan a theih ang angin tawng humhalhna kawngah hma an la chho va. DC office atanga mipui hriattirna leh thupek ang chi te pawh a theih chin chinah English version, Mizo version leh Lai version tein an tichhuak thin a ni.