Nimin khan Lawngtlaia Independence Day 2022 lawmna atana thil pawimawh hrang hrang bawhzuia hma la tura din, Technical Committee chu an Chairman Pu James Miahlung, Addl. DC hovin a office chamber-ah an thukhawm.
Kumin Independence Day lawmna puala tournament buatsaih diltu sports association pali - Lawngtlai District Football Association, District Volleyball Association Lawngtlai, Lawngtlai District Badminton Association leh Lawngtlai District Table Tennis Association te dilna chu Committee puiin Technical Committee kuta a dah angin, Technical Committee Chairman leh association hruaitute nen inrawn tlan a nih hnuah kumin Independence Day atan chuan football, badminton leh table tennis tournament te chauh buatsaih ni rih mai se tia thu dah awm chu Committee-ah hian pharh leh pawmpui a ni.
Committee puiin sikul naupang atanga parade contingent awm leh awm loh tur a rel hman loh avangin Technical Committee hian relin, COVID-19 hri leng vanga hun eng emaw chen ceremonial parade neih theih loh hnuah tun Independence Day lawmnaah hi chuan ceremonial parade neih theih ngei tum ni se, tih a ni a. Hemi chungchang a tul anga bawhzui a, hma la turin Parade Committee din nghal a ni.