Ramin zalenna a neih champha Independence Day, Lawngtlai District a a lawmna puiber, Central YLA Playgound, Lawngtlai ah neih ah, zing dar 8:30 khan Sport Minister Pu Robert Romawia Royte chuan Ram puanzar pawtpharhin, Parade Contingent 20 ten Ram puanzar Chibai an buk a chhang let a.
Pu Robert Romawia Royte chuan Lawngtlai District mipuite Zalenna chibai bukin, India ram zalenna atana beitu pasalthate hrereng a, an thisen leh thlantui hmanga min valhsak, he ram ropui nan leh hmasawn zel nan theihtawp chhuahpuiah mipuite a sawm a.
Khuallian chuan Lawngtlai District chhunga Autonomous District pahnih, Lai leh Chakma Autonomous District Council leh District Administration ten thawhhona thatak an nei tih sawiin, ram leh mipui hmasawn zel nan thawhhona vawngnung zel turin a chah.
Sport Minister chuan Covid 19 hmachhawnna ah Sorkar, Tlawmngaipawl, Kohhran leh mipui tanrualna chu lawmawm a tihthu sawiin, hrilaka himtura tihtur te ngaihpawimawh thar tul a tih thu leh hridanna lathei te la vekturin a sawm.
Myanmar ram buai vanga Lawngtlai District a lutte dawnsawn leh enkawlzuina ah Sawrkar, VC leh YLA leh khawtlang mipui inpekna chu lawmawm a tih thu a sawi bawk.
Pu Robert Romawia Royte chuan Lawngtlai District chhunga Sorkar Department in hmalakna leh hmasawnna hna an thawh hrang hrangte a sawi a...Kaladan Multi Modal Transit Transport Project kawngpui Kilometres 87.510 a thui chu [The Lawngtlai Post]zawhfel a ni tep tih sawiin, Lei dawhtur pariat ah paruk dawhzawh tawh a ni a kumin chhungin he kawngpui hi zawhhman tum a ni a ti.
Sport Minister chuan tunhnaia Commonwealth Games ah Jeremy Lalrinnunga leh Lalremsiami ten Infiamna khawvelah mahni hming chhera, Mizoram tihmingthatu an nithei chu lawmawm a tih thu a sawi a, Lawngtlai District chhungah Cheng Nuai 12,044.20 sengin Infiamna tihchangtlun nan hna thawhmek a ni a ti.
Lawngtlaia Independence Day lawmna ah hian Khuallian hian Independence Day puala intihsiakna buatsaiha lawmman late hnen ah lawmman a hlan bakah District chhunga mihmingtha te hnen ah chawimawina a hlan bawk. Central YLA Playground a Independence Day [The Lawngtlai Post] hmanna ah hian LADC a Chief Executive Member Pu V.Zirsanga bakah LADC Sorkar a mipawimawh leh State Sorkar hotute leh thawktute Tlawmngaipawl hruaitute leh School naupangte an tel.
Independence Day puala hun hmanzawh hnu hian Sport Minister Pu Robert Romawia Royte chuan Cheng Nuai 5019.43 senna tur Mampui ram a saktur Lawngtlai District Sport Complex lungphum a phum a, heta sum sentura ruahman atangin First Instalment Nuai 2258.74 chu hmuh ni tawhin hnathawktu atan M/S Decor India, Guwahati thlan ani.