Lawngtlai West bialtu MLA, Pu C.Ngunlianchunga chuan Central Sorkarin dinhmun hniam zawkte dawmkanna atan ruahmanna a kalpui pakhat, Pradhan Mantri Jan Vikas Karyakram (PMJVK) chu Mizoram Sorkar chuan a nihdantur anglovin a kalpui tih a sawi.
Nimina Lawngtlai Press Club ah Pu H.Zoremsanga (L) ziah, Dan Bu tih a tlangzarhna ah Lawngtlai West MLA chuan, Dan chunga leng tumah kan awmlova, dan pawisaklohna chuan mipui ah tawrhna a thlen thin a ti a, State Sorkarin Pradhan Mantri Jan Vikas Karyakram a kalpuidan chu a diklo tih sawiin, he Scheme hnuaiah hian hnathawhtur chu Block Level Committee in a ngaihtuah anga, District Level Committee ah a thlen anga, District Level a thlitfim a nih hnu ah State Level Committee ah thlenin, chutatang chuan Central ah thlentur a nih laiin, a inkhaidiat angin kalpui a nilo a ti a, PMJVK kalpuidantur ah chuan za a sawmriat (80%) chu Hriselna leh Zirna lam a hmantur a nihlaiin, Lawngtlai District ah chuan hna zawng zawng chu Infiamna lam tihchangtlunna turin hman a ni a ti a, heng Infiamna tihchangtlunte hi thiltha tak a nih rualin, Scheme in a tum thildang hlamchhiah a ni chu hriatthiam theih a nilo ani a ti a, PMJVK chu Sorkarin a pawngsual a ni ati.
State Sorkar sum harsat chhan bulpuiber chu Sorkar in Dan a pawisakloh vang niin Lawngtlai West MLA chuan a sawi bawk.
