JOINT VILLAGE COUNCIL SANGAU
Dated Sangau The 4th Aug.2022
PR No. 101/JVCS/2022
PRESS RELEASE
Ahmasaberin Sangau leh Bial mipuite hnenah Sangau Ambulance chungchanga thil duhawm lo tak thleng chungchangah thupha kan chawi a, chutihrual chuau hetiang hi thil awm dan diktak a ni e.
Lawngtlai East Bialtu MLA zahawmtak Pu H.Biakzaua'n Sangau bial mipuite mamawhna hria a Ambulance min pek hi Pu F Rozuala, Joint Village Council President chuan kawlin mawhphurhna ala a, He ambulance hi khawtlang tana pek anih avangin leh Sorkar atanga Driver leh Motor maintain na tur sum engmah dawn a awm loh avangin Sangau Joint VC thukhawm chuan Damlo ten Ambulance an hmanna man rate siamin chumi hmang chuan Ambulance Driver hlawh leh maintain na hi kalpui chhoh mek a ni.
Damlo, Damdawi In a kalpui ngai te hian Sangau Joint VC Chairman emaw Ambulance Driver (H.Zoenga) hi an be mai thin a, chutiang chuan Ambulance hi a tlanchhuak thin a ni.
Dt.2.August 2022 a Sangau Ambulance Saiha a kal erawh hi chu Ambulance Driver H.Zoenga hian Joint VC Chairman hnenah engmah a hriattir lova, Saiha lamah a kal tih pawh hriatpui a ni lo a ni. South Lungpher khua ah Sangau Ambulance hi man niin Ambu lance a chuang ve Lallungkhama hnen atangin No.4 man ani tih thu thang atangin he thil thleng hi kan hre ve chauh a ni. He thil tha lo tak lo thleng hi Sangau Joint VC te chuan pawi kan ti tak zet a, Sangau leh bial mipuite chungah thupha kan chawi a, Kan hriatpui loha Sangau Ambulance Driver in Sangau Ambulance a lo service pui chungchangah leh kan fimkhur tawk lohna ah te mipuite hriatthiamna kan ngen e.
Sd/-(F.ROZUALA)
President Joint Village Council Commt. Sangau Town
Sd/-(H.NGHAKLIANZUALA)
Secretary Joint Village Council Commt.Sangau Town
