Lawngtlai-III a Pu B.Ngurbela In, Pu Lalnunfela te luahlai kawmthlang chu vawiin chhun khan a min a, In hi luahzui ngam chi a nihloh vangin thiah nghal a ni.
Leiminna hmun hi Addl.DC Pu James Miahlung bak ah Incident Commander Lawngtlai BDO, Pu N.Lalzarzova ten thutchilhin, khawtlang hruaitute, Bialtu MDC Pu T.Lalengmuana leh Vilage Council leh Branch YLA hruaitute nen inranwkhawmin, In hi luahzui ngam chi a nihloh vangin chhiatna nasa zawk thlengthei vennan tha a an hriat vangin, vawiin khan thiah nghal a ni.
Leiminna hmun hi District Disaster Response Team te pawn thleng nghalin, tihtur tul, vantlang mipui tlawmngaia thawkchhuak tana chet harsat deuhna hmun ah te an hmanrua nen tihtur tul awmte an thawk bawk.
Addl. DC Pu James Miahlung chuan Sorkar atanga chhawmdawlna awmthei ang ang ngaihtuah a nih tur thu sawiin, hnatlang a chhuakte thingpui lumna tur, khawtlang hruaitute kut ah a hlan.
Tags
News