3rd August, 2022 (Nilaini) : Vawiin khan Pu T. Zakunga MDC chuan BJP Office Lawngtlai ah Delhi zin report a pe. He hun hi Pu MC Suiawia Vice President in a kaihruai a, Pu L. Lawmkima Adviser in tawngtaina neiin Pu F. Chhannawla Vice President, Pu Vulmawia Ex-president leh Pu TT. Nohmung ten thu tawi sawina an nei.
Pu T. Zakunga MDC hnen atangin Lai, Mara, Chakma (LMC) BJP Co-ordination aiawh a, Sixth Schedule Amendment chungchanga Delhi an zinna reports ngaihthlak a ni. Delhi an cham chhung hian MoS for Home (NE) Pu Pramanick, Minority Minister John Barla, leh Piyush Goyal Additional Secretary, Ministry of Home Affairs te hmuin inkawmhona hun tha tak an nei thei a. MoS for Home an hmuh dawn tum hian Minority Minister Pu John Barla hian ama car in a kalpui nghe nghe hlawm a ni. Tin, Pu Delsona leh Dr. BD Chakma ten BJP National GS Pu. BL. Santosh hmuhna hun tha tak an nei thei bawk.
Pu T. Zakunga MDC chuan heng an mi hmuh hrang hrang te hnen atangin, an thil thlen chungchangah thu lawmawm tak an dawn thu sawiin, kan thil beisei hi antih ngei tur thu an sawi nawn leh vek hlawm a. Chuvangin, he thil, kan ram danglamna lo thleng tur hi i nghak hram hram ang u. Vawiin ni thlengin Delhi a kan hotuten min tihsak ngei tur thu minla hrilh a, BJP in a thutiam tawh chu a tih ngei ngei thin thu thlenga minla hriattir hi, a rintlak a, tumah hi beidawng tur kan nilo, a lo thleng ngei dawn a ni a ti. Pu Kungtea chuan tunlai Mizoram politics chungchang sawiin, sorkar na fawng vuantu MNF party chuan rawih lam a pan mek zel a, sum leh paiah dinhmun tha lo takah sorkar a awm mek a, belh tlak anni tawhlo a ni. Keini ADC mipuite hi chuan BJP hi kan ram leh hnam tana party belhtlak, kan ram dinhmun minla chawikang a, Lairam thar minla kaipuitu tur chu a ni. Chuvangin, mipuite hi i fing thiam ang u. Kan kawng zawh mek hi hnam dinchhuahna tur politics a ni a, chu chu politics diktak chu a ni a ti.
Issued by : Lai District BJP Media Cell, Hqrs : Lawngtlai