United Lai,Mara, Chakma Congress Committee chuan Mizoram Pradesh Congress Committee ah, Mara Autonomous District Council a Congress MDC te chungah zahngaihna lantirturin an ngen.
United Lai, Mara, Chakma Congress Committee te hi nimin khan Lawngtlai a Lai District Congress Committee Office ah thukhawmin,MPCC in Party dang thawhpui neilotura a tih laia, Mara Autonomous District Council a Congress MDC leh MNF, MDC ten Congress Party kaihhruai Sorkar an din chungchang ah, United Lai, Mara, Chakma Congress Committee chuan, Central, State leh Autonomous District Council ah te Congress Party kaihhruai Sorkar a dinlohna ah ram mipuiten an tuar nasa thin tih sawiin, Mara Autonomous District Council ah pawh mipuite tawrhna a thlenloh nan Congress Party kaihhruai Sorkar din chu mipui hmangaihna atanga chhuak a nih vangin, Mizoram Pradesh Congress Committee in an MDC te Party dang thawhpuilo tura a tih chu an zawm theihloh vangin, mipui hmakhua thlir chungin MPCC chuan MADC a Congress MDC te chungah zahngaihna lantir turin an ngen a, an lehkha hi vawiin khan MPCC hruaitute hnen ah an thawn.
Member 25 awmna Mara Autonomous District Council inthlanpui hnuhnungber ah khan Congress Party chuan Member 4 neiin, MNF Party in Member 9, BJP in Member 12 an nei a, hun engemawchen MADC ah Sorkar a pian maitheihloh hnu ah Congress leh MNF ten Sorkar intawm siamin, Congress Member Pu H.Malvina chu Chief Executive Member atan thlan ani.
