Lawngtlai DC Office atanga The Lawngtlai Post in thu a dawn danin, Lawngtlai DC Pu Amol Srivastava thlalak Display Photo / Profile Photo ah hmangin mipawimawh thenkhat bekualin, he thil hi inbum tumna rawngkai, Social Media hmankhawlohna a ni a, mipuite fimkhur turin Lawngtlai DC Office chuan a ngen.
Thu kan dawndanin, District dang Deputy Commissioner thenkhat leh State Sorkar a hotulian te, a bikin hnamdang ten Lawngtlai DC in a tawh ang hi an tawk zeuh zeuh a, thuneitu lam ten an chhuichiangmek tih Lawngtlai DC Office atanga thudawn chuan a tarlang a, hetiang hi a nih vangin, a hranin Lawngtlai DC Office chuan Cyber Crime lam ah an zualko niin an sawi.
Lawngtlai DC Office chuan, Pu Amol Srivastava lemchangin Phone No a hman an hriattheih chu 7896175515 a ni a, khawi atang pawhin Lawngtlai DC lemchang atanga inbumtumna lam hawi dawng chuan thuneitute hnen ah rang taka hriattir vatturin an ngen.