Pangkhua a Vawk hri lenchhan chhuichiang turin CJM ah lehkha thehluh ani.

      Lawngtlai District Sangau RD Block huamchhung ami, Myanmar ramri dep a awm,  Pangkhua a, hrileng vanga Vawk engemawzat thi leh suat a ngaih chungchang         ah hrilen chhan chhuichian a nih theih nan Lawngtlai District Magistrate chuan Chief Judicial Magistrate, District Court, Lawngtlai ah a tuldan anga  hmalatak a nihtheih theih nan a thlen.

Lawngtlai DC Office atanga  The Lawngtlai Post in thu a dawndanin, Pangkhua a ASF leng mek chu thenawm ram Myanmar atanga Vawk lakluh vang ni a hriat a ni a, District Magistrate chuan July 24, 2022 khan  Sate dang, District dang leh ramdang atanga Vawk, Vawksa leh Vawksa atanga siam eitur reng reng lakluh a lo khap tawh a, hemi hmalam pawh hian khapna thupek hi District Magistrate chuan a lo chhuah tawh a, tuntum a Pangkhua a Vawk natna hrileng chu thenawm ram, Myanmar  atanga Vawk lakluh atanga darh ni a hriat a nih vangin, dan in a phut angin, chuichianga, he thila inhnamhnawihte hrem an nihtheih nan District Magistrate chuan Chief Judicial Magistrate ah July 5, 2022 khan a thlen ta a ni.

Tun dinhmun ah  Official ten an sawidanin Pangkhua-ah hian Vawk damlo thi 21 awm tawhin, Vawk damlo, Sorkar hriatpuina a tihhlum 69 a awm tawh.