.jpg)
No Parking intarna ah Duty an awmloh chuan lirthei dah mai hrehlo a awmtheih a, khawchhungah ruihtheihthil kenluh phaloh thu intar chuan nghawngtha a nei lutuklo maithei a, kawtchhuah leh hmun remchang laiah nunkawng dik inzirtirna thuziak tha tak tak intar tamna ram ah hian, khap na hi bawhzui a nihloh chuan, thutha chuangtlai satliah a ngaihna a lian viau tawh ani.
Tunhnai mai ah District Magistrate chuan khapna thupek langsar tak tak pathum, Vawk chungchang te, Foreign Bike leh Petrol leh Diesel zawrhchhawn khapna te a chhuah a nih kha.
Khang Order chhuahte kha bawhzui niin, Vawk hrileng vanga khapna thupek chhuah chuan zawm a hlawhlo ni a a lan vangin District Magistrate chuan dan anga hmalak a nihtheih nan District Court ah a thlen hial a, Foreign Bike leh Oil zawrh chhawn chungchang ah pawh hmalakna hriattur a awm nghal a, a lawmawm khawp mai.
Tihlohtur, tih hi tilo mai ila, a hahdamthlak laiin, kan thei silova, khapna thupek chu bawhzui a, thupek zawmlote hrem chu thupek chhuahtu lam in an tihtur a nih vangin, chaktaka an bawhzui chu an ko a tla a ni a, helai takhi tunhnai ah thupek chhuah te bawhzui nghal zung zung a ni ta hian, hmalam hun ah pawh awmzenei zawkin Lawngtlai District hi a kaltheih a tibeiseiawm a, kan sawi thin a, ruihhlo leh sualna chi hrang hrang do hi Spring nembeh ang deuh a ni a, thlahdul ruala inperh chhuak leh ang a nih vangin, khawtlang tana thiltha tur dona kawngah, tha tlah lova beih a ngai a, mipui lam pawn thuawi an zir deuh deuh a tul in a hriat ani.