Lawngtlai District-a RD block pali ah Gurushala Zirtirtu Training thawhkhatna zawhfel ani

Lawngtlai District Administration hma laknaa Lawngtlai District chhunga zirna tihhmasawn nana Pratham Foundation nen tang duna pawl nga atanga pawl sawmpahnih inkar zirtirtute tana capacity development training ruahman chu a thawh khat nan Bungtlang 'S' leh Sangau RD Block huam chhungahte kar kalta chhung khan neih ani. 

Bungtlang South leh Sangau RD Block-a Gurushala zirtirtu training kalpui ah hian Lai Autonomous District Council-a Hindi Education Officer  Pu Alex Lalzawmpuia chu Nodal Officer a ni a, a thawh khat nan hian Bungtlang South RD Block chhungah School pahnih, Hermon Chawngte Middle School leh Bungtlang South Middle School te thlan niin, zirtirtu 19 an awm a; Sangau RD Block chhungah School pahnih, Govt Bualpui 'NG' Middle School leh Govt Siachangkawn Middle School te thlan niin, zirtirtu 24 an awm a, Master Trainer 2 zelin an School ah kal chilhin an zirtir.

Hetihian Gurushala zirtirtu training hi Lawngtlai District chhunga block pali-ah a thawh khatna kalpui      kim a ni ta a, June 16 - 20 inkar khan Chawngte RD Block huam chhungah leh June 23 - 27 inkar khan Lawngtlai RD Block huam chhungah te kalpui             a lo ni tawh a, aremchan danin angin, athawh hnihna   kalpui chhunzawm   turin ruahman siam a ni.