.jpg)
Nimin khan Remna Ni champha lawm a ni a, Remna hlutzia sawithar nan hman a ni a, Lawngtlai a Remna Ni hmanna ah Assembly Speaker chuan Remna hnuai ah, State ralmuang kan nihna te hmangthiama, hmasawnna nasa zawk a awmtheih nan keimahni lam pawh kan inhawnzau thiam a tul thu a sawi a nih kha.
Speaker hi ataka ram veimi a ni tih hrechiangtu chu Lawngtlai District mipuite hi an nih a rinawm a, Ramria insumdawn tawnna tur a ngaihpawimawh ziate pawh a hrechiangtu chu mipui an ni a, Remna hlutak kan neih hnu ah, ram ralmuang takah hmasawnna chuan awmzeneia ke a pen a tul a, chutiangtur chuan hmalakna kalpui a tul tak meuh a ni.
Mipui lam chuan hmasawnna hi engang pawn lo vei ve mahse, a titheitu, ruahmanna siamtu chu an aiawha an thlantlinte an nih miau vangin, ram hruaihna chelhtute hian awmzeneia hmasawnna hi tun aia nasa zawka an vei a tul a, kawng an dap thiam a tul khawp mai.
Eichawp Politics hian ram a dawmkang thei lova, enge kan mamawha, englai hi nge bawh hmasakngai tihte thliar thiam a tul tih hretu chu ram hruaitute hi an ni a, zing chhumtur neilo hnen ah buhfai pelova, infiamna hmanrua pek in awmzia a neithui theilo tih chiangtaka hretu chu kan Politician te tho an ni a, Remna kan neih hi a hlu takzet a, kan hmanthiam leh thiamlohin a hlutna a tipung in, a ti tlem thei awm e.