Nikir khawcheng vanga thenawm State in Tuilian leh kawngchhia an tawrh vanga bungrua lut a awm mumalloh hnu ah, Lawngtlai District chuan Petrol leh Diesel ah harsatna a tawktan tih bak chu harsatna liantham a la tawklo.
Lawngtlai Bazar a Dawrkai te chuan nitin mamawh eichawp lam chi chhekkhawlsa an la nei nual a, Bazar veng Young Lai Association chuan bungrua chhekkhawl dinhmun nguntaka an vil thu an sawi a, mipui ten hatsatna liantham an la tawklo.
Hetihlai hian Petrol leh Diesel erawh a vang viau tawh a, Lirthei neitu ten harsatna an tawk chho tan a, Mavula Filling Station ah Petrol Litres 20,000 leh Diesel Litres 1,000 vel awm mahse, an khawl a chhiat vangin pekchhuah theih a nilova, Asst District Civil Supply Officer Pu Lianchhuma Chinzah chuan, khawl siamthat thuai a nihtheih nan Sorkar chuan theihtawp a chhuah tih sawiin, tun dinhmunah MIZOFED Filling Station ah Petrol pekchhuahtur a awmtawhloh thu leh rikrum thil a mamawh thut a hmanturin Littres tlemte khuahkhirhna hnuaiah dah a ni a ti a, Diesel pawh mamawh zualpui tak tak hnen ah semrual a ni a, vawiin lam ah chuan pekchhuahtur an neihtheih a beiseiawm tawhlo tih Pu Lianchhuma Chinzah chuan The Lawngtlai Post a hrilh.
Mizofed Manager Pu Rohimliana chuan Petrol leh Diesel phur tur ten nimin khan phailam an pan tih sawiin, tluangtaka an kaltheih a nih chuan, kartawplam emaw, karleh tirlam ah chuan Lawngtlai an rawn thlen theih beisei a ni, a ti.