He thut khawmah hian Lead Bank Office-a Lead District Manager Pu Lallawmkima leh NABARD Lungleia District Development Manager Pu Evan T. Munsong te bakah, Reserve Bank of India, bank hrang hrang leh line department aiawhte an tel
Lawngtlai District-a bank hrang hrangte hna thawh thlir let niin, hmachhawp an neih leh hma lak zui dan tur te sawi ho a ni a. Bank leh mipui sum vawn himna lam te, pawisa leng vel chungchang te, khua leh tuite hamthat nana sawrkar laipui ruahmanna hrang hrang - PMAY (Housing for All), Women Self Help Group, loan chi hrang hrang - Kisan Credit Card, KCC (AHDF special campaign), PMEGP, leh s PMJJBY, PMSBY, APY, lama bank hma lak dan te sawi ho a ni bawk.
Pawisa thir hman chungchanga harsatna leh pawisa thir dawng duh lo leh kir tur nei lo dawrkai an awm avanga harsatna sut kian dan tur sawi ho a ni a. Pawisa thir chu sawrkarin hman theih tura a siam a nih thu leh tihtawp tumna a awm loh thu te, dawn leh hman a hlauhawm lo va, dawng duh lo chu dan anga hrem theih zawk an ni tih sawi lan a ni.