Lai Autonomous District Council, Fur thutkhawm, Ni hnihawh chu nimin khan zawhfel a ni.
Nimin Session, LADC Chairman Pu V.L Hmuaka kaihhruai ah, House a chhantur zawhna panga chhan a ni a, South Lungpher bialtu MDC Pu C.Lalmuanthanga zawhna chhangin, Revenue changtu Executive Member, Pu C.Hrangthianga chuan, Zochachhuah ramah, Sorkar hmasain Inhmun pass a pek 91 Cancelled a nih thu a sawia, dan anga pek a nihloh vanga Sorkarin Cancelled a nih thu a sawi a, Laitlang leh M.Kawnpui ramchhunga Inhmun, Huan ram inpekdanah Sorkar chuan thil diklo a awm niin a hria a, chhuichian mek a ni a ti.
Executive Member, LAD changtu Pu C.Rongura chuan Village Council 15 Suspend an ni tawh tih sawiin heng zinga VC 8 chu a ngaia kaltir leh an ni a, VC Suspend lai panga awm mekin VC pahnih Dessolved an ni a ti a, VC Member thi 3 an awm a, inthlanthat ngai chungchangah State Election Commission ah thlen a ni tawh tih House ah a sawi.
Tuntum LADC Session ah hian House a chhantur zawhna pakua lutte zawtin chhan vek a ni a, niminpiah Session tanni ah hun hmasalam chu Member lo ni tawh Chatuanram panta Pu F.Hranglura leh Pu V.Lungmuana te sunna hun hman a ni.