Kumin May 9 a Chakma Autonomous District Council Budget Session neih ah, CEM rintawklohna pulut a, paihthlak a nih vanga Budget Session neihzui theih a nihloh hnu ah, vawiin khan CADC Budget Session chu Chairman Pu Kali Kumar Tongchangya kaihhruaina hnuai ah neih a ni.
Vawiin Session ah hian CEM, Pu Buddha Lila Chakma chuan kum 2022-2023 CADC Budget Cheng Nuai 11,342.56 chu House ah a pharh a, CEM hian Supplementary Demand for Grants Cheng Nuai 1300 pawh a pharh tel a, Budget ah hian Cheng Nuai 132.37 chu Chhiah tlingkhawm atanga hmuh tum a ni.
CEM Pu Budha Lila Chakma chuan inkalpawhna kawng siamthatte, tuiluankawr siam leh Retaining wall rem te, Zirna In siamthat te, Pre-Primary School zirlai tan Uniform leh zirlaibu leina tur te kuthnathawktute tanpuina tur te leh Golden Jubilee lawmna atan te, thildang Chakma mipui tana thatur hrang hrang Budget ah chuan telh a ni a ti.
CADC Budget vawiin a pharh hi karleh Thawhlehni July 5 ah House ah sawiho a pawmpui tum a ni.
Tags
News