Nimin khan Gurushala Teachers Training 2022 chu Gov't Model English School Lawngtlaiah Samagra Shiksha Lawngtlai District leh DC Lawngtlai te buatsaihin neih a ni a, he hun hi Local Administration Deptt changtu Executive Member Pu C. Rongura'n khuallian niin a hmanpui
Pu C.Rongura chuan hripui leng vangin sikul kal thei lovin hun engemawchen kan awm a, online kaltlanga zirtirna kalpui a ni thei chu alawmawm hle a ni, a ti. a, Zirtirtute chu mit nei lo, mit neia min siamtu, beng nei lo beng neia min siamtute in ni a, mithiam ni thei tura lehkhathiama min chher tute chu zirtirtute hi an ni a ti.
Pu C.Rongura chuan ram leh hnam min hruai a, min buatsaih tur hian zirtirtute hi an pawimawh ber a, hnama chiang, ataka ram hmangaihtu zirtirtu kan nih a ngai a ti a, kan thiamna leh finna nen thahnem ngai thar a, zirtirtu tha leh Headmaster tha chuan zirna sikul tha an chherchhuak thin, a ti.
He hun hi Pu S. Lalrinsiama Nodel Officer Lawngtlai Block in a kaihruai a, Pu Jonathan Kingbawl Master Trainer (Gurushala) leh Pu F. Lalhmachhuana Education Officer (Middle School) LADC ten Zirtirtu kalkhawmte an hriattur pawimawhte an hrilh.
Pu C. Rongura hi Pu H. Lalhmingmawia Member, Planning & Development Board LADC in a tawiawm a ni.