Power and Electricity Department Lawngtlai Division a E.E, Pu, Laldawngliana chuan Nikir khawcheng hnuai ah Lawngtlai a Chawnhu Sub Station in a chawm, Lawngtlai khawpui leh Siaha bak ah District chhimlam a khua 83 te chuan harsatna liantham an tawklo tih a sawi a, niminpiah khan Bungtlang South Sub Division huamchhung ah leiminin thing a minpuiin Power line a tihchhiat chu a zan lala khan siamthat a ni a ti.
Kumtinin Fur ruahtui tlaktam laiin Mizoram Chhimlam a District pahnih Lawngtlai leh Siaha District ten Power an lakna ah harsatna an tawk thin a, nikum leh kumin hian Khawiva, Lunglei atanga Power lakna hruipui kalna chu a theih ang angin thenfai a ni a, thawktu indaih tawklohna vangin Lawngtlai atanga Thingtlang lama semdarhna line te pawh duhthusamin thenfai zawh nilo mahse, Nikir khawcheng hnuai ah harsatna liantham thleng hriattur a awmlo.
Pu Lal dawngliana chuan Kawlphetha hmanman Online a pek thin chu, a pekna lam herrem a nih vangin tunthla chhung chu Bill hi Online a pektheih a ni danwlo tih sawiin, mipui lamin Online a an pekthuai theih nan hmalakna kalpui mek a ni a ti.