Tunhnaia Lawngtlai District Pangkhua a Vawk thi chu ASF a nih leh nihloh finfiahturin, Vawk thisen leh taksa peng thenkhat te hmunpui lam ah thawn a ni.
Lawngtlai District Veterinary Officer Dr.Thanseia Chhangte in The Lawngtlai Post zawhna chhangin, Pangkhua a Vawk thi hi Rapid Antigen Test ah chuan ASF Positive nimahse, Test result hi engemawpalh ah chianglo thei a nih vangin, Vawk thisen leh taksa peng thenkhatte hmunpui lam ah thawn nghal a ni a, Result an la hriatloh thu a sawi.
Dr Thanseia Chhangte chuan thenawm ram leh State bakah District thenawm ah te Vawk hrileng hriattur a awm vangin Lawngtlai District chu invenna lam ah tanlak a ngaizuala, Vawk vulhtu leh laluttuten dan an zawm a tul a ni a ti.
Hetihlai hian Lawngtlai District Magistrate Pu Amol Srivastava chuan Vawk chungchang ah thupek chhuahin, Ramdang, State dang leh District dang atangin Vawk leh Vawksa atanga eitur siam lakluh a khap a, Vawk damlo talh leh hralh te District Magistrate chuan khapin, Vawk damlo leh thi an awmin AH&Vety Department ah hriattir tur leh Vawk suat tur ten AH&Vety Department ah phalna lak a ngaih thute District Magistrate thupek chhuah ah chuan tarlan a ni bawk.
