Editorial || INTODELH TURA TANLAK A NGAI.

Ram hmasawn tawhte dinchhuahdan chu kan sawitheiin, kan hre zelzula, mitumruhten he khawvela sulhnu an hnutchhiahte pawh hriattur a tam khawp mai.

Mizoram hi State intodelhlo a ni tih chu phat chi a nilova, Central Sorkar puihna tello chuan a kaltheilova, Fapa indang, Inpui atanga chawmrengngai, mahni a thawhchhuah ve neisilo, Inpui atanga hmalaknatur ruahmansak pawh a nihdantura hmang manglo nen angkhat ah ngaihtheih a ni hial maithei.

State intodelhlo hnuai ah Autonomous District Council te tan chaktaka hmalak a hardantur chu a chiang khawp mai. Mahse, mitumruh, thil tak tak tihduhna nen a ke kan pen phawt chuan, a rethei zawk hian a neinung zawk hi kan khum thuai ang.

KMMTTP te hi a nihdantur angin peihfel nitase, a paltlang District hian enge tangkaipuina tur kan neih. Leilung behchhana eizawnna mumaltak nen hmasawnna hi kan hmachhawnloh chuan, Truck meikhu rimchhia leh kawngpuiin a kentel sualna chi hrang hrang bak  te chu  minhnutchhiah tur a ni mai ang tih a hlauhthawnawm khawp mai.

Ram hruaina ah hmangaihna tak tak nen tlak huama hmathar lathiam leh langam mamawhna a lian tual tual a, huaisen taka ram mipui ten retheih huama hmalangamte hmalakna an thlawp phawt chuan, ram intodelh tur hian kumtam a vei a ngaiin a rinawmloh.