Dr. Krista Roluahpuia, IIT Gandhinagar ah Faculty turin a tling.

        Lawngtlai District a zirlai hlawhtling, Zofate zingah pawh michhuanawm, Mualbu 'L' khua Dr Krista Roluahpuia chu IIT Gandhinagar-ah Faculty (Asst Professor)  turin a tling

        Dr Krista Roluahpuia hian nimin khan a Result hi a hre chauh a, The Lawngtlai Post zawhna chhangin, a hnathar tur hi zawm ngei a tuma, kumin December 15 hmaa zawm tura tih a nih thu a sawi,  amah duhsaka lawmpuitute chungah Dr.Krista Roluahpuia hian lawmthu a sawi

       Dr Krista Roluahpuia hi  IIT Bom
bay chhuak  niin,  University of Arkansas, United States lama Postdoctoral a zu thawk tawh a ni. Tunah hian Physics Department, Banaras Hindu University-ah a thawk mek a ni.

        Dr Krista Roluahpuia  hian Pathian nen a tumruhna leh tihtaktakna chu hlawhtlingtura pawimawhber ni a a ngaih thu a sawi.

         Mualbu (L), hi Lawngtlai District, Diltlang South leh Chawngte 'P'  inkar a awm, In 80 vel niin, Dr Krista Roluahpuia hian an khuaa haw changin an chhungkua hna hrang hrang thawkin, khawtlang leh kohhran ah pawh theihtawp chhuah a inhmang thin a ni.