PRESS RELEASE
Tun hnai dt.7-8.6.2022 a Lai Autonomous District Council, Education & Human Resources Department (P/S) hnuai a, Primary School Teacher Exam chungchang ah a mawilo zawng a thuthang a awm avangin. NSUI(Mz) Lawngtlai District hruaitute chuan hma la nghal in, thil awm dan te a han zirchian hnu ah thilfel lo tak mai a awm ngei a ni tih a hmuchuak a. Exam beitute zingah phone keng lut a, phone nen tangkawp a exam te an awm tih hriat a ni a, question paper leaked out nia an sawite, chumai nilo invigilator ten a thil dik leh langtlang tak a exam an veng dawn emaw tih lai a, exam beitute an lo pui leh zel te hi a zahthlak in a mualpho thlak takzet a ni.
Kan ramah a vawikhatna atan LADC Education Department in Competitive Exam an conduct ve a, hetiang a zahthlak taka sawi zui hlawh khawpa exam an conduct hi NSUI (Mz) Lawngtlai District chuan a rintlak lo ah a ngai a. A bik takin Primary Teacher hnaruak exam chungchang ah phei chuan sawi a tam hle a, hetiang a nih chuan LADC Executive hian kaltlangpui lo se kan ti takzet a ni. Education Department (P/S) hnuaia exam conduct hi cancel a, thil diklo leh fello zirchiang tur in enquiry committee din ni se. Exam pawh hi buatsaih țhat leh a nih theih nana hma la turin LADC EM(P/S) Pu L.Daniala leh CEM zahawm tak Pu V.Zirsanga hi kan ngen nghal in, thil diklo ti tute chhui chhuak a hrem ngei turin kan phut bawk a ni.
Issued by NSUI(Mz),Lawngtlai District.
Tags
Press Release