Lai DCC Political Training, West MLA in a hmanpui.

        Lawngtlai West bialtu MLA Pu C.Ngunlianchunga chuan Mizoram chuan chhantu a mamawh a, mipuiin Congress Sorkar leh hun an nghak a ti

        Vawiin khan Lai District Congress Committee buatsaihin, College Veng Hall, Lawngtlai ah Political Training-cum-Extended Meeting, Lai DCC Vice President Pu C.Kapzauva kaihhruaiin neih a ni a, he hun a Khuallian Pu C.Ngunlianchunga chuan, Congress Sorkar chuan tihtura a ruahman, a puanchhuahte chu a tipuitling thin sawiin, Mizoram chuan chhan a ngaia, mipui an beidawnga, ramin kawng hrang hranga harsatna a tawh atanga chhanchhuakturin nakum tawplam a Assembly inthlanpui ah Congress Sorkar a pian hun an nghak a ni a ti.

        Lai District Congress Committee buatsaih Political Training-cum-Extended Meeting ah hian MLA lo ni tawh pahnih, Pu PC Lalthanliana leh Pu H.Zothangliana bak ah Lai District Congress Committee President Pu J.Ropianga Chinzah te pawn thu an sawi.